Published by: ТОМё БОДё
Сэтгэгдэл: Deep talk with Sanna
Нэгэн залуу даатгалын компанид ажилладаг. Олж ирсэн зуучлалын гэрээнээсээ шалтгаалж цалин тооцогдох учраас ар гэрийн хамаг эдийн засаг тэр хүний нуруун дээр. Мань хүн ажилдаа тийм ч дуртай бишээс гадна хол байгаа ээжтэйгээ утсаар ярихдаа хүртэл цааргалангуй нэгэн бөгөөд манайхаар бол амьдралдаа 76-г л буруутгаж амьдардаг хэв маяг, гутранга хандлагатай. Гэтэл нэгэн жигтэй такси ирж зогсож, амьдралынх нь turning point-руу хөтлөх нь ээ.
Ид шидийн гэмээр эргэлт боловч, жирийн өдрүүдэд ч зөвхөн одоо байгаа сэтгэл хангалуун бус байдалдаа гутраад л явах биш, гацаад, хол явахгүй байгаа нөхцлүүдийг орхих хүртэл зоригтой байж, унасан цэгээсээ босоод ирэх хүч хэнд ч байдаг гэх.
Нөгөөтэйгүүр утга учиртай ажил амьдрал гэдэг зөвхөн мөнгө санхүү бус бүр сүнснээсээ ач холбогдолтой байвал алс хэтдээ гэр бүл, өвөг дээдсийнхөө өмнө хүлээсэн бахархалтай үүрэг болох юм уу даа.
Их сайхан хурдан уншигдаж дууслаа. Орчуулагч, редакторын ажилд талархъя.
Comments